度小月 (海運大廈) (已結業)

同朋友到尖沙咀海港城食饭，因为手中有海港城coupon，到左呢间度小月食午饭，想用左啲coupon。来到餐厅门口大约1:15分左右，我地二个人，大约等左5分钟有位。入到去都几多人，枱面一开始已经有水提供，但枱的面积有啲细。我地叫左2个午市套餐 (不过之后先至发现原来海港城coupon不适用午市套餐，唯有下次用)。每个午市套餐有小食+汤+主食+饮品。(1) 小食我地叫左一个炸墨鱼丸和芙蓉炸豆腐。炸墨鱼丸有2粒，唔算特别大粒，味道正常，唔难食，但又唔算好突出。相比下，芙蓉炸豆腐好食好多，上菜热辣辣，豆腐好软滑，豆腐皮是「鞋口」的，但加埋软滑的豆腐就有2种不同的口感，底部有少少酱油，少少酸和咸，好好食。(2)汤海藻豆腐汤，其实几好饮，个汤好够热 (最怕啲汤只系暖)，味道唔太咸，但唔系好食到有豆腐。(3) 主食其中一个系泡饭个汤底好清甜，有啲丝瓜粒，蚵仔份量都唔少，而且几肥美，相当唔错。另一个叫左三杯鸡柳饭，呢个𩠌其实唔难食，啲鸡肉都几滑，但就系好普通，觉得去普通香港茶餐厅食个洋葱鸡柳饭就会系咁的味道，而且三杯鸡应该要有的米酒香是完全食唔到的，这点就觉得好可惜了。(4)饮品一个叫左黄金荞麦，一