阿來泰式地道風味

营业中

休息中

今日同朋友行旺角 无留意原来通菜街有间泰国餐厅... 虽然食开九龙城啲泰国菜 见都唔少人帮衬 就决定入去坐坐餐厅干净企理 同九龙城一样 就系啲位迫小小...四个人叫左一个饭 一个粉 一条鱼 一个菜 一个咖喱 好饱「飞天通菜」最先上 小妹食泰国餐厅特别喜欢点通菜 呢份通菜都唔错 几入味 又唔会太咸 就咁食都得... 通菜炒得绿油油 有卖相跟住上「泰式炒金边粉」 好特别嘅系 以前食𠮶啲系用蛋皮包住 呢个系蛋网 都几得意 金边粉炒得湿度啱啱好 唔太干又烟韧 又唔酸 我哋几个好快消灭咗佢「青咖喱鸡」不失不过 正常水准 捞饭食最好 唔辣 很满意重头戏「冬荫公蒸乌头」 真系无令人失望 以前食蒸乌头比较注重鱼本身嘅鲜味 但今次鱼肉浸冬荫公汁 另有一番滋味 好似更入味 唔会太清淡 配料色泽鲜艳 好睇又好食 最后系「海鲜椰青饭」 饭粒黐粒粒 易入口 海鲜够料 椰肉清香 唔错四个人五个𩠌加埋饮品先$500 好抵食呀！