新斗記 (已結業)

每次经过新斗记都没食过，适逢今次女朋友想食乳猪，决定近近地系市中心食试试佢既得奖乳猪！大概8点去到，店门有大大个招牌，左边有个火炉俾人睇烤乳猪。可能因为平日，店入面唔算多人，好快就可以上座。每套餐具都有一式一样既设计同图案，连茶壶都有，感觉好一致同整齐。因为比较饿，所以点了一份乳猪，一只乳鸽，招牌啫啫唐生菜煲同埋一煲泥鯭粥。打头阵既乳鸽水准不过不失，不过唔似一般既酒楼切开四份，反而再切得细份啲，方便食用。跟住就黎乳猪，份量唔算多，但件件块片都烤得好脆，块肉仲要好厚！点埋乳猪酱味道恰道融和，十分惹味！啫啫唐生菜煲虾酱香味十足，炒的时间刚刚好，唐生茶入味得黎亦爽口，认真开胃！至于个拆肉泥鯭粥加入陈皮煲成，值得一赞既系个粥没加姜黎辟鱼腥味，只有陈皮就已经足够，因为新鲜鱼所以粥都留有鱼的鲜甜味，同埋煲粥的确好足料。最后送上红豆沙，同样不过不失，食埋甜点就满足晒了！店的服务值得一赞，从来不需要举手找人加水，换碟或加粥，令今次食饭锦上添花！