秋田浜燒食堂

营业中

休息中

今日同朋友兴致勃勃系尖沙咀happy hour后去咗附近揾居酒屋食，决定食呢间bookmark 咗好耐、位于天文台道既浜烧😋。餐厅用咗日式布褂、大渔网、纸灯笼等嚟做装饰，充满日式风情🎏🎎🏮。二人前套餐有分两款，主要分别系烧物熟食同剌身拼盘，既然呢度出名刺身就紧系要试下小樽渔港啦！点菜后侍应突然送上一盘鲜虾，一手任摘，摘到后随即帮我们整做赤虾刺身。虾肉口感非常鲜甜爽口，绝不欺场。待应摆个炉喺我哋隔离即场活烧南非鲍鱼，鲍鱼咬非常香口弹牙，裙边位亦都有少少香脆㶶边，加少少盐已经好够味。特别值得一提嘅系呢个制作需时既蟹味噌甲罗烧！由蟹味噌、蟹子、蟹膏、仲有满满既蟹肉而制成既一道菜式，夹埋经过牛油烤焗嘅多士一齐食，口感非常丰富。😋😋👍🏽👍🏽绝对系一试难忘。非常钟意食蟹肉既我，主熟食我亦都拣咗先蟹肉明太子蛋黄酱配冷乌冬。厨师制作非常用心，乌冬非常弹口也不会过硬，我见厨师在过冷河嘅过程中亦都非常仔细用心，煮食再配上不同嘅配料同埋明太子及蛋黄酱，食完刚刚好亦不会太腻，很满足。