影片
更多
2023-09-28
2059 浏览
朋友推薦大角咀呢間台灣魯肉小店，趁今日喺附近做嘢，專登過嚟試下。餐廳位於博文街，以文青木系為主調，店內地方不大，近門口位置設有一列吧檯位，可以望到匆匆路過嘅行人同街景，感覺特別悠閒寫意。餐廳主打一系列經典台灣菜式，當中包括有手工魯肉飯、蔥油乾拌麵、鹽酥雞、起司玉米蛋餅及台式飲品等。點咗一客午餐，另外再加咗份起司蛋餅同芋圓甜品。午市套餐包小菜 1 份及阿薩姆紅茶 1 杯。月見海老魯肉飯 ($62) 碗魯肉飯賣相好吸引，面頭鋪咗 5 大隻鮮蝦，中間放咗隻嬌艷欲滴嘅生蛋黃，再伴以焦糖色魯肉，令人食指大動。蝦仁爽彈味鮮、魯肉肥瘦相間，入味又富肉香，將蛋黃拌勻，與蔥花和飯一起吃，非常滋味。原來餐廳仲有免費添飯服務提供，不過就只限一次。點午餐可以用優惠價加配小食，揀咗份椒鹽花枝丸 (+$24)，外層炸至金黃微脆，入面仲食到有粒粒墨魚，口感十足。蛋餅係台灣好有代表性嘅早餐食物之一，可以揀唔同餡料，今次點咗份大滿足蛋餅 ($54)，材料有起司、雞扒、薯餅、玉米同蔬菜，蛋皮煙韌微脆，芝士半溶，醬汁酸甜醒胃，加埋勁量餡料，真係大滿足。最後甜品點咗客芋圓紅豆仙草 ($38) 芋圓煙韌Q彈、紅豆有驚喜，沒
朋友推薦大角咀呢間台灣魯肉小店，趁今日喺附近做嘢，專登過嚟試下。
餐廳位於博文街，以文青木系為主調，店內地方不大，近門口位置設有一列吧檯位，可以望到匆匆路過嘅行人同街景，感覺特別悠閒寫意。
餐廳主打一系列經典台灣菜式，當中包括有手工魯肉飯、蔥油乾拌麵、鹽酥雞、起司玉米蛋餅及台式飲品等。
點咗一客午餐，另外再加咗份起司蛋餅同芋圓甜品。午市套餐包小菜 1 份及阿薩姆紅茶 1 杯。
月見海老魯肉飯 ($62) 碗魯肉飯賣相好吸引，面頭鋪咗 5 大隻鮮蝦，中間放咗隻嬌艷欲滴嘅生蛋黃，再伴以焦糖色魯肉，令人食指大動。
蝦仁爽彈味鮮、魯肉肥瘦相間，入味又富肉香，將蛋黃拌勻，與蔥花和飯一起吃，非常滋味。原來餐廳仲有免費添飯服務提供，不過就只限一次。
點午餐可以用優惠價加配小食，揀咗份椒鹽花枝丸 (+$24)，外層炸至金黃微脆，入面仲食到有粒粒墨魚，口感十足。
蛋餅係台灣好有代表性嘅早餐食物之一，可以揀唔同餡料，今次點咗份大滿足蛋餅 ($54)，材料有起司、雞扒、薯餅、玉米同蔬菜，蛋皮煙韌微脆，芝士半溶，醬汁酸甜醒胃，加埋勁量餡料，真係大滿足。
最後甜品點咗客芋圓紅豆仙草 ($38) 芋圓煙韌Q彈、紅豆有驚喜，沒有煮到過腍，有咬口。仙草滑嘟嘟，食落有淡淡草本香，味道唔錯。
张贴
