御前大江戶日式料理 (已結業)

当你年纪去到咁上下，就会食厌咗普通嘅放题，今次黎到观塘呢间，除咗普通嘅放题之外，佢仲有埋矶烧，食得仲有得玩添。而佢地嘅埸地比想像中大，唔会话好旺角嘅放题餐厅咁迫，而且装修都几新净，布置到个环境好有日本风味，而且职员嘅服务都几藉得一提，帮你烧之余，佢地换碟嘅速度都好快添。一开始就会送上一盘海鲜拼盘，鲍鱼、蟹钳、生蚝、扇贝、蟹膏蟹肉、大虾等等(呢一轮系冇得免费refill嘅)。不过你都唔洗担心唔识烧，啲职员都会好主动咁帮你手，帮你剪走啲垃圾，时不时帮你睇吓火。佢哋嘅调味料都几多，除咗海盐之外，仲会有清酒，帮你避走啲腥味。而食材都几大份同新鲜，基本上唔会食到任何臭腥味。