拉麵來 (已搬遷) 新店位置

拉面来一向出名，当时兴起拉面热潮嘅时候已经系数一数二嘅拉面店。旺角分店非常方便，夜晚七点左右去刚好有位。入边富有日本风格嘅装修，带有少少怀旧风味。我哋每人叫咗一个拉面，一个叫咗白松露拉面、一个海老拉面。白松露好香，汤底拣咗浓味因为我比较钟意食浓味嘅拉面。面质拣咗适中，爽口几好食，唔会因为啲汤而变林，而且叉烧都够林。另外我仲加咗糖心蛋，糖心蛋整得非常好，好食。另外叫咗海老拉面海老汤好香，有虾嘅鲜味。我相对地钟意海老拉面，但系其实两个都咁出色。饮品叫咗苹果梳打及抹茶波子汽水，抹茶波子汽水好特别，充满茶味。小食叫咗章鱼小丸子，章鱼小丸子唔系圆波波咁，略为有点扁，系以炸嘅方式煮；墨鱼咀就稍为淡味，要加多啲盐先至调出味。呢度真系必食拉面！