影片
更多
2020-11-05
1087 浏览
接老公放工，周围揾食，记得系元朗食过鱼米嘅煎比目鱼，念念不忘，可惜再去已经执咗⋯⋯见到个餐牌仲有，当然要重温旧梦！差唔多八点，人手非常不足，冇人带位，枱面有条用过嘅牙签⋯⋯老公冇洁癖，都忍唔住用左两张消毒湿纸巾抹枱，然后用湿、干纸巾抹餐具⋯⋯金发男待应略带乡音（鱼米嘅特色？好似谭仔⋯⋯），老实讲，佢态度唔差，同几勤力㗎⋯⋯叫左比目鱼鱼汤准山面、肉燥鸡扒饭、鱼汤生菜、咸柠七。大约等左三个字，个比目鱼准山面最先到，鱼系炸唔再系煎的，少少失望，不过炸得干身，鱼皮香脆、肉嫰，份量唔少⋯⋯准山面本身冇味，胜在浸耐左都唔会好淋，配鱼汤几夹⋯⋯汤底有少少韮菜、芽菜、腐皮⋯⋯$69，满意！老公个饭就等左起码半个钟先到。周围好多食客追单、甚至发脾气取消柯打⋯⋯后来见到厨房出左好多外卖，应该系整唔切⋯⋯个肉燥鸡扒饭睇落好一般，鸡扒好似好干好硬，冇碎上，柜桶又冇刀⋯⋯不过老公话鸡食落有味又炸得干身，肉燥都ok，冇投诉。个生菜食到最后先嚟⋯⋯乜生菜唔系绿绿地嘅咩？！可以整到全部又软又黄似娃娃菜，真系高难度！埋单14x，ok的，为左旧鱼，应该会再帮衬！
差唔多八点，人手非常不足，冇人带位，枱面有条用过嘅牙签⋯⋯老公冇洁癖，都忍唔住用左两张消毒湿纸巾抹枱，然后用湿、干纸巾抹餐具⋯⋯
金发男待应略带乡音（鱼米嘅特色？好似谭仔⋯⋯），老实讲，佢态度唔差，同几勤力㗎⋯⋯
叫左比目鱼鱼汤准山面、肉燥鸡扒饭、鱼汤生菜、咸柠七。
大约等左三个字，个比目鱼准山面最先到，鱼系炸唔再系煎的，少少失望，不过炸得干身，鱼皮香脆、肉嫰，份量唔少⋯⋯准山面本身冇味，胜在浸耐左都唔会好淋，配鱼汤几夹⋯⋯汤底有少少韮菜、芽菜、腐皮⋯⋯$69，满意！
老公个饭就等左起码半个钟先到。周围好多食客追单、甚至发脾气取消柯打⋯⋯后来见到厨房出左好多外卖，应该系整唔切⋯⋯
个肉燥鸡扒饭睇落好一般，鸡扒好似好干好硬，冇碎上，柜桶又冇刀⋯⋯不过老公话鸡食落有味又炸得干身，肉燥都ok，冇投诉。
个生菜食到最后先嚟⋯⋯乜生菜唔系绿绿地嘅咩？！可以整到全部又软又黄似娃娃菜，真系高难度！
埋单14x，ok的，为左旧鱼，应该会再帮衬！
张贴