新沙洞大排檔 (好順景大廈1座) (已結業)

元朗终于有好食韩国餐厅😳冇谂过呢间小店咁好食，门口有晒啲帐幕好似真系去咗韩国咁，晚上去到已经好爆场。酱油蟹膏蟹肉拌饭钟意食酱油蟹，又怕剥壳嘅朋友仔呢个饭就啱晒😝入面有蟹肉蟹膏，已经由师傅预先处理好，上面仲有只生鸡蛋、紫菜成个饭都整得好靓。一笔开就有好多蟹肉，淡淡鲜甜✨呢个饭价钱唔贵性价比高。铁板烧韩式鳗鱼配烤紫菜我见每一张枱都有即烤嘢食劲香，我都一定要跟，鳗鱼真系好正，每件都好厚，可以自己落手烤。鳗鱼烧到咁上下一个皮开始焦脆，加少少汁就食得，肉质爽好食！韩式酱牛肉配生菜牛肉煮得香，夹埋少少蒜片就食得，自己觉得啲牛肉大片咗少少，如果切细返啲会更好。招牌炸鸡炸粉落左啲蛋浆，又唔会太厚咬落几有口感，可以拣甜辣/秘制蒜蓉酱油，试左蒜蓉好香🫶🏻人气ZERO SUGAR烧酒+棉花糖用嚟打卡真系一流🤓✨两个小小嘅酒杯，放咗啲棉花糖，加埋韩国烧酒，咁就可以令啲酒有甜味。