Burger Joys (第一街)

营业中

休息中

而家食任何野都主打健康而且开始多咗人食素，呢啲无疑都系好嘅现象，尤其是发明咗新肉类之后都几受注目，计新猪肉之后今次就试吓其中一间未来牛肉汉堡嘅味道究竟系点样。Burger joys 呢间餐厅除咗有传统嘅汉堡包之外另外都有一款崭新嘅未来芝士汉堡，亦系餐厅入面嘅主打招牌菜，一场嚟到当然就要试吓啦。另外就要多个传统嘅芝士汉堡睇吓究竟无论从卖相定系外观甚至味道究竟有啲咩差别呢？未来芝士牛肉汉堡- 除咗够晒高又够晒厚切之外另一个重点就系完全同普通芝士汉堡真系冇分别，论外观论气味都唔太揾到一丝破绽，配搭上依然系用返最正宗嘅车打芝士另外一对清新配搭就系生菜蕃茄，配埋芝士烧烤酱简直就系汉堡界嘅典范。食咗几啖之后都发觉同真正嘅牛肉几乎不相伯仲，大家都系啡色，当然味道点都会有少少豆味喺入面，但如果论仿真度嘅话的确系个人食过最难兄难弟嘅未来牛肉，相信呢一个趋势亦都会发展到其他汉堡身上。芝士汉堡- 对比起未来牛肉汉堡呢一个正宗嘅汉堡当然多咗一份浓厚嘅肉味，采用嘅亦都系非常常见嘅顶级安格斯牛肉，配合埋清新嘅沙律酱跟多一层新鲜感。