冬蔭公公 (已結業)

有张一田的礼券就到期，就去了一田睇下有无野啱买，原来呢间分店几细无咩啱，行左两个圈放弃了去揾食吧，呢个商场都几多野食㖞，左睇右睇食泰国菜最吸引。餐纸选择几多，阿妈要了汤粉，自己点了饭，再多点几个小食打包给留在家的阿爸。泰式冻奶茶及咸青柠疏打，奶茶茶味香浓，略甜了点，疏打大大杯又够冻，好解渴。阿妈的冬荫功汤檬粉，要了中辣，加了豆卜。豆卜吸汤一流，檬粉弹牙，最正系个冬荫功汤底，香辣味浓，劲多香料，酸酸辣辣十分惹味，正到要饮哂啲汤。自己点左咖哩牛腩饭，意外地大碗。牛腩牛筋很多，多到数唔到有几多旧，炆得软腍入味，咖哩香料味重，但不辣的，因加入了蕃茄，味道带点酸酸的，跟平常吃到的咖哩完全不同，既特别又好味。猪胫肉沙律，超多猪胫肉，好嫩滑。沙律有香茅，蕃茄仔，芹菜等，香味十足，酸酸辣辣又带少少咸，好开胃。仲有鸡半只，阿爸喜欢食海南鸡，所以点一客外卖，当然要先偷食啦。卖相不错，酱汁有泰式酸辣汁，姜容同甜酱油，三种酱汁都ok的，但不够猪胫肉沙律的正，所以点左沙律汁食。讲返只鸡，鸡肉嫩滑，鸡皮下无油脂，但味道略淡，可能系其他菜色太浓味啦，只鸡唔点酱就无味了。埋单，不用加一的。