咖啡弄 (已結業)

本身佢地booking full哂得返walk in，我地谂住照去试下，点知都等左我半粒钟。呢个草莓冰淇淋松饼系咖啡弄既人气之选！先讲卖相已经好吸引！大大粒既草莓同颜色好靓既草莓果酱，配埋好厚身且呈金黄色既松饼(其实系waffle，但中文佢地叫松饼)，未食先兴奋，哈哈。松饼口感唔算话好实，带点微暖。草莓一啲都唔酸。而且份量都几多添。将松饼点埋啲草莓酱同吉士酱一齐食就更perfect！原本想叫lobster roll, 但可惜卖哂。所以叫左总汇三文治! 三文治好大份呀！中间夹住鸡扒、蛋、火腿、生菜同蕃茄，都几丰富。上面仲洒左好多芝士薯片，似系Doritos红色包装个只。另外有碎蛋沙律同生菜青瓜伴碟。纯粹系唔想饮冻野或者咖啡茶个啲，惊瞓唔著，所以拣左热朱古力。热朱古力配有棉花糖，自己钟意倒几多都得。