弘 CHIRASHI (已結業)

上次食松叶蟹丼时贴了相上面书呃like，仲引到唔少friends想一齐食，于是今晚又黎食过。八点几黎到依然要等位，好彩唔系等左好耐。坐低睇睇餐牌，原来无左松叶蟹丼了，朋友劲失望，店员介绍左新出嘅虾虾霸霸丼，好似都好正咁，就转食呢个啦。坐低就送上绿茶两杯，绿茶粉泡的，茶味不错。上次食过极丼($178)很正，今次又叫番一样嘅先。海胆劲鲜甜，虾好大只，又爽又甜。另外仲有吞拿鱼同鲷鱼，劲肥美，食到啖啖鱼油。旁边嘅带子大大粒，又系劲鲜甜，成碗刺身都系用新鲜料，厚切超正。附送的面豉汤，没死咸不错。朋友的虾虾霸霸丼($338)，上枱时果然尽显霸气！整只波士顿龙虾放入个碗度！！但蟹肉略咸，味道有点意外。虾头很多膏！ 虾尾拆肉炒3饭再让返入尾，不过冷炒饭实在不是我杯茶，味道一般。惊喜在下层的丼饭中，一半系吞拿鱼蓉，一半系蛋混刺身，两边都劲正，刺身新鲜，加了少许调味酱料，好味到无野讲。中间的温泉蛋亦很正，加一点点豉油，一滑入口，蛋酱黏口散发出阵阵蛋味。总括黎讲，下层好味多了。只龙虾失望啲，其余都好好味，不过价钱真的略贵，而且坐得好迫，间中一餐半餐还可接受。