星海．譽宴 (鱷魚恤中心)

营业中

休息中

好耐冇同妈咪食饭，今晚做个孝顺女同佢去鳄鱼恤中心，呢度出名中菜多，但妈咪唯独钟情誉宴 • 星海，今晚就带佢食餐好嘅!秋风起，梗系要饮啲汤水补一补，拣咗黑蒜螺头炖鸡汤，每人一盅，汤料非常之多，呷一口，强劲嘅黑蒜味加上螺头嘅鲜味同炖鸡嘅甜味一齐涌入口，香甜又浓郁，妈咪即刻竖起手指公！先叫一个烧味拼盘，叉烧带著少少脂肪，入口油香十足又唔韧，切鸡脾肉又嫩又滑，点上姜蓉最衬；烟鸭胸香味十足，拼盘中间配上酸醋黑木耳，够晒开胃。妈咪最钟意食鲍鱼，当然要叫返个鲍鱼玉环盅俾佢试吓！鲍鱼放喺冬瓜环上，配上草菇伴碟，望落成个菜式更有层次，而鲍鱼食落带点溏心，少少烟靭，非常美味！另外点左份西施蛋白虾球，伴有翠绿嘅芦笋同红萝卜丝，咸咸地嘅蛋白食落几特别，虾球够大只又爽弹。呢度嘅福建炒饭真系用料十足，炒饭底够干身又够香，几乎每啖都会食到虾肉、瑶柱丝、冬菇、肉丁等等，绝不欺场！最估唔到系连普通嘅陈皮红豆沙都做得出色，陈皮味香，煲到起晒沙又唔会太甜，好味！不枉我放工即时赶过嚟呢度食饭！