上海姥姥

营业中

休息中

去左铜锣湾同朋友食野，见翡翠明珠广场一楼新开左个food court, 一于试下，有成六间餐厅选择，不过我们喜欢中菜，拣左上海姥姥。特上蟹粉小笼包$78 , 一笼四只卖相唔错，蟹子点缀在小笼包顶，多d颜色卖相更吸引，醋一碟，都要睇d醋能否调起小笼包的味。小心热，一咬d汤汁破皮而出，灼亲嘴添。汤汁好有猪肉鲜甜味而且多，皮薄，不会成团粉的口感，好钟意！肉馅结实，证明猪肉新鲜，无用梳打粉乸到滑潺潺！要点醋食，佢碟醋好香，微酸，与小笼包汤汁混和，增添鲜味好有帮助！蟹粉扒素鹅$108 ,似腐皮卷，外层腐皮炸到金黄色脆卜卜，好香口！中间果堆啡色野就是主角：蟹粉。里面的馅料有冬菇、木耳，有齐滑的口感和爽的口感，每啖都好有层次，味道本身是香口而淡味，但加埋蟹粉一齐食就唔同讲法，虽然卖相唔靓，但味道一流，好香浓的蟹糕味，好似真系食紧蟹糕一样，质感是厚身的酱，有加酱油同蟹糕蟹粉一起煮，才令呢堆蟹粉咁香浓。呢餐好似食蟹晏咁，唔洗拆蟹咁麻烦啦，食蟹粉蟹糕都够，最初惊佢唔好味唔叫咁多野，最后好有惊喜呢！估唔到上海姥姥都几有水准。