北京老家 (已搬遷) 新店位置

一向都系北京填鸭嘅爱好者，意外发现楼上舖北京老家，最后食到好饱好满足咁走。北京填鸭当然系必点啦，叫咗半只，够四个人食，其实系香口，肥瘦适中够厚身有口感，不过就有少少失望，期望可以再烤得香啲。白菜水饺系推介之选，一盘有八只，有肉香味而白菜好脆口。排骨架都表现出色，煮得好淋又入味，件件都好大旧，甜甜酸酸好好味。脆鸡就的确一般，肉太干，好细份。甜品点咗拔丝苹果，新鲜上嘅时候即食，好脆口好甜，必试其他拔丝。普遍大部分菜都好食，但可能已经太地道化，风味欠奉。