安安燒 (鯉景大廈) (已結業)

星期六晚谂住食好啲，所以去食串烧，印象中串烧都系贵，但今晚呢间唔贵㖞🤑。今晚点选菜式（各一份），二人用：墨鱼丸，鸡翼，鸡软骨，孜然羊肉，玉子，焦糖蕃茄，烧蚝，粟米，多春鱼，饭团，菊花蜜，蓝妹啤酒，菠萝酒。鸡翼个味「叶」得好好，玉子都烧得好味，蕃茄就算系惊喜，甜甜地又多汁，烧蚝都好味，保留到啲肉汁，粟米好甜。大致上全部都烧到啱唔好，唔会太生或太熟。要注意饭团烧比较耐，想食的话要预早少少叫。另外店舖比较细，最好先订位。