廿一前 (已結業)

大鴻輝中心多嘢食，就一向都知，今日嚟到呢間火鍋店食嘢，好似係新開嘅。一個價錢全包，有任食火鍋，豬牛羊雞午餐肉菜類麵烏冬等等嘅全部都有，仲要係中上質素。頭盤，會有一碟生蠔元貝大蝦。最重要係唔止有打邊爐，仲有串燒，炸物，天婦羅，刺身。超多選擇，而且仲有甜品，雪糕，少許蛋糕同埋朱古力噴泉俾小朋友玩下。食物整體質素中常，選擇多係佢優勝之處，個場好大，每個人坐嘅位好足夠，Happy Friday ，梗係要食餐飽啦！