新記煲仔雞粥 (已結業)

今日收工返到元朗，想食吓粥同埋乳鸽，所以即刻第一时间谂起新记。就同男朋友行去又新街𠮶边，今日唔系太多人所以都唔使等位。叫咗佢驰名海鲜粥，同埋我最钟意食嘅红烧乳鸽。另外再叫咗个手帕青瓜，海蜇手撕鸡。然后我男朋友话佢想食炸俩所以再加多一份炸俩。海鲜粥入边有蟹啦、虾、带子同埋鱼肉。至于个乳鸽系好值得推荐嘅，我每次嚟到必叫，笑得够脆皮之余，亦都唔会太瘦话冇肉食嘅乳鸽。海蜇手撕鸡，估唔到海蜇都好多，对于我呢啲钟意食海蜇嘅人来讲就觉得好开心啦。手帕青瓜亦都好入味可以当一个前菜咁食。上菜上得好快，而且价钱算做好平，真系快靓正嘅选择。