影片
更多
2022-07-20
247 浏览
好味指数😋😋😋回头指数 ⭐️⭐️⭐️开心指数🤗🤗🤗有听闻过呢间系排队热店，分店呢我就冇咩兴趣试啦，要试就梗系试原店！如果唔系朋友揸车，其实个位都真系几难到嘅～我就当然系买外卖啦，到咗今日先知道原来佢只系食粉面嘅！餐单好简单，完全冇套餐，每样都分开叫，计落都有少少贵！🍴肉眼筋冬阴公汤底米粉（$45）本身叫个粉系$31两个𩠌，冬阴公汤底+$10，肉眼筋+2，因为我只叫肉眼筋就加双份，即系$4。外卖做得几好嘅系个碗本身已经分咗汤，揸完车过咗大半个钟个汤仲系热嘅，米粉一浸落去都仍然okay！个汤底好浓郁又惹味，少少辣，好难令人唔饮，我饮咗好多，应该饮咗大半碗！肉眼筋系连咗响肉眼上面嘅筋膜，非常爽口，比起猪颈肉更爽，系好好味嘅，double 咗𩠌都唔算好多旧，大概6-7旧左右。米粉劲爽口，成个粉嚟讲系几高质嘅！不过，食完之后嘅几粒钟，我就应该饮咗至少900-1000ml 嘅水，如果唔介意之后要狂饮水，其实系几好味嘅！另外试咗朋友嘅番茄汤底都几浓厚嘅。🍴冻奶茶（$19）试咗佢普通版本唔系樽仔版本，要咗多奶，奶味同茶味好正，一D 都唔嚡，非常滑。🍴煎鱼饼（$40/8件）烟韧度唔错，口感都唔错，不过就咁食系
回头指数 ⭐️⭐️⭐️
开心指数🤗🤗🤗
有听闻过呢间系排队热店，分店呢我就冇咩兴趣试啦，要试就梗系试原店！
如果唔系朋友揸车，其实个位都真系几难到嘅～我就当然系买外卖啦，到咗今日先知道原来佢只系食粉面嘅！
餐单好简单，完全冇套餐，每样都分开叫，计落都有少少贵！
🍴肉眼筋冬阴公汤底米粉（$45）
本身叫个粉系$31两个𩠌，冬阴公汤底+$10，肉眼筋+2，因为我只叫肉眼筋就加双份，即系$4。外卖做得几好嘅系个碗本身已经分咗汤，揸完车过咗大半个钟个汤仲系热嘅，米粉一浸落去都仍然okay！
个汤底好浓郁又惹味，少少辣，好难令人唔饮，我饮咗好多，应该饮咗大半碗！肉眼筋系连咗响肉眼上面嘅筋膜，非常爽口，比起猪颈肉更爽，系好好味嘅，double 咗𩠌都唔算好多旧，大概6-7旧左右。米粉劲爽口，成个粉嚟讲系几高质嘅！
不过，食完之后嘅几粒钟，我就应该饮咗至少900-1000ml 嘅水，如果唔介意之后要狂饮水，其实系几好味嘅！另外试咗朋友嘅番茄汤底都几浓厚嘅。
🍴冻奶茶（$19）
试咗佢普通版本唔系樽仔版本，要咗多奶，奶味同茶味好正，一D 都唔嚡，非常滑。
🍴煎鱼饼（$40/8件）
烟韧度唔错，口感都唔错，不过就咁食系会比较咸咗少少，用嚟同白饭食就差唔多，不过因为佢嘅浓汤粉面都已经好浓味，就会感觉略为 over 咗少少。呢个唔记得咗影相！
另外本身想试佢嘅鲜油菠萝包，可惜落错单俾咗鲜油多士，冇咩特别。
整体上系几好味嘅，如果有朋友揸车呢，我都会再食嘅，要自己由西铁站行去就唔会啦。口渴还口渴，底汤真系好味嘅，奶茶亦都系好饮！下次我会想试到个菠萝包。
张贴
