酸菜碰上魚 (明安街)

营业中

休息中

有日行过见到间舖几有趣，细细间卖酸菜鱼但无堂食，又见到有几个人等紧，阿姐一脚踢，一于试下啦。① 浓汤酸菜鱼 大份 $128无谂过都几足料，一打开见到劲多鱼，小辣真系少少辣，亦唔算好酸，不过几好味。鱼肉够滑，其他配料包括有酸菜，豆卜，芽菜同薯粉。② 水煮牛肉 细份 $58呢个叫细份就争啲，见原本写住配料有薯粉但呢碗无，我怀疑系落漏左！无左薯粉，呢碗野当然唔够饱肚啦。味道除左辣都无乜感觉，而牛肉亦唔算多，稍为失色。③ 凉拌皮蛋 $28原价$38，跟主食立减$10皮蛋虽然有点贵，但好食㖞，皮蛋溏心，酱汁开胃。最后想讲下个外卖袋，望落几靓，但放左两盘主菜加个小食，我揪住果阵劲惊佢断，最后都系托住拎。。。.望传单见到新开张有做折扣优惠，不过要主动问阿姐先有比，唔紧要啦，呢间小店有啲甩漏，但都系几好食既。