Brass Spoon (已易手)

今日去开湾仔，就有机会试下呢间想试好耐嘅越南粉面小店，未到12点半已经有十几人等紧，店内只得23个座位，等咗大约十几廿分钟内就有位呢度好似食日本拉面咁，一张纸拣晒所有喜好或追加食物，主要系拣生牛肉，熟牛肉，或生熟牛肉，之后就拣要唔要牛汤油，同配料洋葱、葱同芫茜的多少，最后拣加唔加钱要多点𩠌生牛肉河🐂 $88，(呢碗拣咗正常牛汤油、芫茜，多洋葱多葱) 汤底几顺喉，味道都几浓，河粉几幼细同滑，生牛肉最正，高质同嫩滑，就算浸到最后食都唔老，赞👍另一个赞系佢有一兜几大兜下嘅配料俾你自己加，有2粒半个青柠、芽菜、金不换、薄荷叶同一块我都唔知系咩嘅叶👍唯一份量真系少，男士食真系未必够饱。