麵鮮醬油房周月 (歌賦街)

营业中

休息中

好耐冇食到会令我为之惊叹嘅好味拉面，大海捞针咁揾，比我揾到呢间“面鲜酱油房 周月”🍜，有米芝莲加持，一于试吓好唔好味。⠀面嘅款式唔多，介乎系沾面同拉面之间，有唔少人推荐嘅系沾面，我亦见餐牌写沾面用嘅系粗面，会比较烟韧弹牙，但我反而想试拉面(幼面)，希望佢可以更挂汤🤔。⠀最后嗌咗“周月拉面(浓汤)”，虽然大多数人认为淡汤已经好够味，但我都系想试吓浓味有几香。卖相几好，睇得出汤比较浓稠、食落汤底亦带有微酸(好微嘅酸味，我后尾再加咗啲醋)，面头有一层油，唔怕油腻嘅朋友可以试吓。豚肉烤得几香，肥瘦尚算适中，吸咗浓汤嘅叉烧反而会有啲咸。幼面质地好挂(浓)汤。想特别讲吓啲笋，我几中意食拉面嘅笋，坊间面店通常只有一阵笋味、带有微酸，但周月嘅笋比起坊间拉面店稍有不同，佢冇𠮶阵微酸，取而代之嘅系带点微甜，同带有微酸嘅汤底放埋一齐反而好开胃😋，呢点系加分位🆙。店内亦有提供即弃围裙同橡筋比客人使用，都几窝心😉。⠀总括嚟讲佢系好味，但又未至于surprised到短期内会再encore咁🤔。