盛記酒家

营业中

休息中

老公之前同旧同事食饭，赞呢度无论环境嘢食都好有以前细个旧式酒楼既特色，d碗碟系旧式，即系公鸡或鲤鱼𠮶种，感受到舖头好用心咁去做。今日专登再同我嚟食。荔枝蜜叉烧皇$168经理介绍烧味好味，我哋点了碟，好大碟，性价比高，每块都厚而且少少㶶边，不会太肥，食落唔硬，好软熟好嫩，蜜汁味真系非常香甜，味道冇得顶。锦江海鲜豆腐煲用料丰富，海鲜包括厚切班块、鲜鱿、珊瑚蚌同虾，食得出唔系冰鲜既。豆腐用了布包豆腐，炸得外层脆口，内里嫩滑，酱汁微辣，好惹味，送饭或净食都正。扬州炒饭配料丰富，大量虾仁，叉烧，菜心粒，用了靓。炒饭够镬气唔油，大大碟，好满足。呢餐非常满足。茶、小食烚花生同赠送嘅甜品芋头紫米露都系高质素。