亞泰廚房 (已結業)

好耐无黎九龙城, 仲系咁多泰国餐厅, 是但揾间食午餐.呢间午市套餐有河粉或金边粉, 饭类就有海南鸡饭, 咖哩饭之类, 选择都多, 而且套餐可配特饮.要个冬荫功鸡翼河粉, 份量不算少, 有3只鸡翼, 鸡翼外表炸过, 个皮就算浸过汤, 仍然带少少脆, 内里肉质软滑.冬荫功汤头唔算太辣, 少少酸, 唔油腻, 好易入口, 好开胃. 而且里面仲有好多菇, 蕃茄仔, 香茅等配菜, 更加好味.至于个河粉好滑溜, 好爽口, 唔会太重面粉味, 唔易浸淋.跟餐要左龙眼冰, 好多粒龙冰, 食落好清甜, 而饮品亦好浓香龙眼味.一路食都几多人, 除左本地人, 仲见外国人同日本人黎帮趁.