影片
更多
2021-03-22
911 浏览
本身都无谂过要写食评，毕竟成世人都未试过做"foodie"，但因为「屯门牛」呢间餐厅比较新，眼见一间咁高汁嘅餐厅好似未获得相应嘅名气同评价，有啲替佢抱打不平，所以就决定亲自写一篇了！（无错，就系好味到戥佢唔抵嘅程度LOL）就好似标题所讲，我喺短短一个星期食咗「屯门牛」三次——到底系点做到㗎呢？是咁的，自从上星期三嗌过一次外卖，食过佢嘅经典牛堡以及素食汉堡之后，家母一直对「屯门牛」念念不忘，仲誓言话要食哂佢Menu嘅咁多款包，结果⋯⋯the rest is history由无图无真相嘅食物讲起先啦！（因为一开头食太肚饿，完全无影相，sorry）我觉得经典牛堡嘅汉堡扒真系好有牛味，甚至系和牛咁样嘅油香，同就咁用免治牛肉，又或者其他餐厅好「肉饼式」嘅汉堡扒好唔同，出面煎得少少脆，入面又keep到好粉嫩，家母仲话系食过最好味嘅牛肉汉堡（虽然佢好少食汉堡⋯⋯好啦不过我都同意haha）至于素食汉堡嘅配汁就非常出色，黑松露汁正中我哋𠮶味，既有平时讲笑嘅「煤气味」，又有一种甘甜嘅感觉，令到包入面嘅鲜菜都有种提鲜嘅效果。用洋葱圈、菇、洋葱同埋生菜组成嘅「汉堡扒」亦都好有惊喜，食落同经典牛堡不相伯仲，各有
但因为「屯门牛」呢间餐厅比较新，眼见一间咁高汁嘅餐厅好似未获得相应嘅名气同评价，
有啲替佢抱打不平，所以就决定亲自写一篇了！（无错，就系好味到戥佢唔抵嘅程度LOL）
就好似标题所讲，我喺短短一个星期食咗「屯门牛」三次——到底系点做到㗎呢？
是咁的，自从上星期三嗌过一次外卖，
食过佢嘅经典牛堡以及素食汉堡之后，
家母一直对「屯门牛」念念不忘，
仲誓言话要食哂佢Menu嘅咁多款包，
结果⋯⋯the rest is history
由无图无真相嘅食物讲起先啦！（因为一开头食太肚饿，完全无影相，sorry）
我觉得经典牛堡嘅汉堡扒真系好有牛味，甚至系和牛咁样嘅油香，
同就咁用免治牛肉，又或者其他餐厅好「肉饼式」嘅汉堡扒好唔同，
出面煎得少少脆，入面又keep到好粉嫩，家母仲话系食过最好味嘅牛肉汉堡
（虽然佢好少食汉堡⋯⋯好啦不过我都同意haha）
至于素食汉堡嘅配汁就非常出色，黑松露汁正中我哋𠮶味，既有平时讲笑嘅「煤气味」，
又有一种甘甜嘅感觉，令到包入面嘅鲜菜都有种提鲜嘅效果。
用洋葱圈、菇、洋葱同埋生菜组成嘅「汉堡扒」亦都好有惊喜，
食落同经典牛堡不相伯仲，各有千秋！
就连我呢个对蔬菜无咩食欲嘅人都食得好滋味：）
再之后（姐系三日后）就试咗黄金双层虾堡同鸭胸堡了，
全因自己同家母都有啲心思思，又想食下高质汉堡，所以又去咗买外卖自取。
值得一提嘅系老细 (? 又或者负责嘅同事都态度好好，
嗌外卖时仲会亲手递上（可能因为我睇落太cap手cap脚），令人觉得好体贴窝心，
食物仲要咁好味，公平咩？！
因为黄金虾堡嘅价钱系鸭胸堡嘅至少两倍，
所以我一将啲包送到屋企，
我同家母就急不及待锯开鸭胸堡大快朵颐，
谂住食咗平嘢先，最后慢慢叹。
点知超平嘅鸭胸堡竟然有意想不到嘅惊喜：
个青柠罗勒汁酸酸甜甜好开胃（令我谂起附近间屯门咖哩屋嘅印度青酱），
啲鸭胸好似系用慢煮烹调咁嫩口，仲要啖啖肉好厚身，
成个配搭系出乎意料地好味，令到我后来再encore咗一次。
但好可惜嘅系（证明我唔系打手），个虾堡唔知系因为墨鱼汁个酱无咩味，
定系鸭胸堡太重口味，食完鸭胸再食虾堡变得无咩味道，
剩系得脆口爽口嘅texture，但就欠缺咗一啲flavour (ABC tone)
虽然有两块炸虾饼确实系非常足料，但美中不足就真系唔太突出，
要去到最后一啖先觉得「好味㖞！」，满足感系完全不敌平价亲民嘅鸭胸堡：（
奉劝大家食虾堡就全心全意食啦，唔好三心两意食完其他嘢再食
最后今日食埋最后一个未挑战嘅包——鸡堡。
不嬲都唔系鸡堡嘅fans，就算好多年前食金拱门都未曾食过板烧鸡腿包咁济（红店，不了）
所以今次试食都系抱住满足强逼症嘅心，无咩特别期望。
不过整体嚟讲个包都唔错，个酱味道好出，鸡扒都好厚身滑嫩，
但自身嘅味道就无乜。相对其他餐厅嘅话绝对系好味，
但因为食过牛堡、素食堡同埋鸭胸堡嘅原因，
所以觉得鸡堡好难超越到佢哋，麻麻哋推，
可能我哋真系比「屯门牛」养大哂胃口，返唔到转头haha
总括而言，屯门牛真系一间好值得支持同尝试嘅餐厅，
尤其系 牛堡 = 素食堡 > 鸭胸堡 > 虾堡 > 鸡堡（纯属个人意见），
职员又好好态度，装修仲好典雅，
真系要揾日午市去感受下。
点解要午市？
静静鸡话你知，因为屯门牛仲要系良心黄，
6点后只系做外卖，唔堂食咪唔洗要「安心」先「出行」啰；）
P.S. 期待之后见到更加多人留低中肯嘅食评，咁我就可以收山噜～
七安士烟熏鸭胸汉堡
$48
65 浏览
0 赞好
0 留言
烤鸡汉堡
$48
61 浏览
0 赞好
0 留言
张贴
