韓屋

营业中

休息中

众所周知尖沙咀金巴利道系韩国人聚集嘅地方，今日就走上呢条韩国街，随意进入呢间韩屋。点菜后店员就奉上泡菜萝卜，少少辣味，萝卜亦爽口。朋友话最爱韩国菜嘅人参鸡汤，所以我哋就点咗呢个参鸡汤。汤内真材实料，有好多条人参，仲有红枣等滋补配料。人参鸡汤满满嘅一整碗，啖啖充满人参味道。鸡入面酿满糯米、红枣、板栗、松子仁等材料，将所有食材味道浑然一体。最特别嘅系佢嘅鸡因为长时间熬制，所以佢嘅骨头已经融化都可以咬断，真系好味到连骨都吞埋！其实食韩国菜我就更喜欢食石头锅饭，酱炒牛肉石锅芝士拌饭材料非常丰富，有大量唔同嘅蔬菜同埋紫菜，而酱炒牛肉都几惹味。 捞起上嚟仲有拉丝芝士，令整个拌饭更加多一点点嘅咸香。另外我哋仲加咗个比较传统嘅韩式煎饺子。饺子入面有大量粉丝，另外仲有少少肉碎，味道清清地都唔错。