京都一の傳 (已結業)

呢間係係海港城海洋中心4樓 空間闊落 私隱度高 今日我地叫左呢個涮涮鍋套餐 （$788/兩位用）- 有特選野菜盛盒、日本A4和牛赤身（120g）、日本黑毛豚肉（300g）、丸子、烏冬、雪糕。 涮涮鍋嘅湯底有四款 - 京都風黃金出汁、東京風壽喜燒出汁、名古屋風辛泡菜味噌出汁、博多洋風雞，白湯出汁。而我哋今次就揀咗京都風黃金出汁 - 佢係融合咗黃金生薑炮製而成嘅京都出汁鍋， 適合鍾意比較清淡嘅人。而肉質方面，日本和牛同埋黑毛豚肉嘅肉質都好腍，食得出肉嘅品質非常好👍另外，我哋仲叫咗燒牛舌。牛舌好厚身，爽口彈牙。而燒雞翼味道比較淡，一定要點隔離嘅柚子醬或者鹽食先夠味