影片
更多
2021-03-27
756 浏览
记得细细个去粥铺食即蒸肠粉系有个师傅运用佢嘅铁砂掌徒手打开热气腾腾嘅蒸炉，拉出一个用竹织成嘅浅盘，上面铺一张棉布，快速倒入米浆推回蒸炉等一阵再拉出来，铺上其他材料如叉烧/牛肉/鲜虾，然后摩打手地卷成条状切块上碟，最后再淋上鲜味无比嘅甜豉油。热辣辣嘅肠粉皮，滑溜烟韧米香扑鼻，加埋甜豉油斋食都正🤤今日系佐敦附近揾早餐食，行过路过见到呢间粥铺有即蒸肠粉，即刻勾起我嘅食欲😈叫左个猪膶蒸肠粉，其实都几冒险，猪膶整得唔好又腥又臭又鞋就大镬。好彩😌佢地整得几好。肠粉皮无令我失望，猪膶加左姜丝去辟味，蒸得无过火，仲系脆口嫩滑，甜豉油都好好味👍🏻不过个环境就一般，老铺始终d嘢残旧有渍，介意就唔好去喇😉
今日系佐敦附近揾早餐食，行过路过见到呢间粥铺有即蒸肠粉，即刻勾起我嘅食欲😈叫左个猪膶蒸肠粉，其实都几冒险，猪膶整得唔好又腥又臭又鞋就大镬。好彩😌佢地整得几好。肠粉皮无令我失望，猪膶加左姜丝去辟味，蒸得无过火，仲系脆口嫩滑，甜豉油都好好味👍🏻
不过个环境就一般，老铺始终d嘢残旧有渍，介意就唔好去喇😉
25 浏览
0 赞好
0 留言
张贴
