一休(居食屋)日本料理 (長發廣場) (已結業)

呢日去青衣玩，中午食饭时间谂唔到去边度食好，又心思思想食日本野，上网见一休评价唔错，所以就去帮衬下啦。前菜order左帆立贝串烧同厚切牛舌串。呢2样一直都系我favourite﹐所以黎到呢间餐厅都一定要试一试！好好味呀！厚切牛舌果然名符其实地够哂厚！质感有d脆口，加埋烧汁吊味，食落超级正！而帆立贝串烧都新鲜，大小适中，好食呀！主菜就order左个黑蒜油虾球拉面！呢个餐真系超级抵食！55蚊咋！！！仲要送2旧三文鱼寿司！！！抵食到喊！三文鱼寿司虽然系跟餐送既，但一点都冇揸流滩，系超新鲜肥美！拉面都好正，汤底够浓郁，拉面够弹牙！而且个虾球都交足货！呢个餐我劲推介！总括而言，一休性价比超高，会再帮衬！