影片
更多
2019-12-21
1536 浏览
云南小锅米线 #屯门虽然而家好少post米线，但喺未开呢个account之前嘅我绝对系一个超级米线控，基本上𠮶啲全港十大米线店我都试晕晒🤪🤪所以而家先咁少再食。唔知大家有冇听过石荫有一间好出名嘅米线店，位置有啲偏僻，而且店舖比较细，但佢哋嘅鸡丝螺旋藻配料非常出名，呢一间就系屯门嘅分店！(当然作为米线控嘅我亦都试过石荫𠮶间啦，仲要系特登搭去)虽然依家唔系总店，但系都好多人食，而且绝对冇令我失望。猪颈肉猪腩肉猪软骨酸辣米线 $49唔好睇佢要成$50，但系真系好多料，而且好好味，特别系佢嘅猪软骨，非常淋，啲软骨淋到浆住晒个口，完全唔使咬。猪腩肉亦唔系一大旧肥肉𠮶种，而系瘦肉较多，但依然好淋。米线偏幼身，但非常有咬口，煮得恰到好处。汤底酸中带咸，非常浓郁。鸡丝墨鱼头热捞红薯粉 $44个墨鱼头超级惊艳，我超唔钟意𠮶啲韧到好似擦胶咁嘅墨鱼，但系呢个系异常弹牙，好咬得来唔会牙软，我从未食过咁好味嘅墨鱼，大力推介！至于鸡丝个人就认为一般，特别在于佢哋真系切得好幼，一丝丝咁，虽然系佢哋嘅招牌，但系略嫌冇咩味，有啲干。佢嘅红薯粉系比一般嘅红薯粉烟韧，好好咬！但系酱汁就冇乜特别，只系少少嘅咸味，始终都系酸辣
虽然而家好少post米线，但喺未开呢个account之前嘅我绝对系一个超级米线控，基本上𠮶啲全港十大米线店我都试晕晒🤪🤪所以而家先咁少再食。
唔知大家有冇听过石荫有一间好出名嘅米线店，位置有啲偏僻，而且店舖比较细，但佢哋嘅鸡丝螺旋藻配料非常出名，呢一间就系屯门嘅分店！(当然作为米线控嘅我亦都试过石荫𠮶间啦，仲要系特登搭去)虽然依家唔系总店，但系都好多人食，而且绝对冇令我失望。
猪颈肉猪腩肉猪软骨酸辣米线 $49
唔好睇佢要成$50，但系真系好多料，而且好好味，特别系佢嘅猪软骨，非常淋，啲软骨淋到浆住晒个口，完全唔使咬。猪腩肉亦唔系一大旧肥肉𠮶种，而系瘦肉较多，但依然好淋。米线偏幼身，但非常有咬口，煮得恰到好处。汤底酸中带咸，非常浓郁。
鸡丝墨鱼头热捞红薯粉 $44
个墨鱼头超级惊艳，我超唔钟意𠮶啲韧到好似擦胶咁嘅墨鱼，但系呢个系异常弹牙，好咬得来唔会牙软，我从未食过咁好味嘅墨鱼，大力推介！至于鸡丝个人就认为一般，特别在于佢哋真系切得好幼，一丝丝咁，虽然系佢哋嘅招牌，但系略嫌冇咩味，有啲干。佢嘅红薯粉系比一般嘅红薯粉烟韧，好好咬！但系酱汁就冇乜特别，只系少少嘅咸味，始终都系酸辣汤正啲。
味道: 4.7/5
性价比: 4.8/5
猪颈肉猪腩肉猪软骨酸辣米线
$49
106 浏览
0 赞好
0 留言
张贴
