濟州燒肉食堂

营业中

休息中

例三做完运动，约老细向德福食饭！食肉兽揾咗间韩式烧肉，就响德福二期food Deli，有牛有猪，任君选择！😍🥰一坐低就招呼周到～点完菜之后自动自觉上前菜，服务员都系后生仔后生女，态度有礼亲切，令人感觉舒适！话时话…佢个辣萝卜同泡菜真系好好味！😍👍🏻尤其泡菜，真系有咸蟹酱嘅香味！！做完运动肚仔饿，老细一口气叫咗四种肉！-一级五花肉：薄切两大件，肉质都几软熟，完全唔肥！！-济州黑毛猪肋肉：今日mvp😍👍🏻佢有腌制到嘅～韩式腌料甜甜地，最重要系肉质好松软又入味～钟意烧得嫩啲又得，烧到外皮朝脆又得，油份唔算太多！-大葱切牛舌：薄切牛舌非常爽口！不过要懂得拿捏火喉……如果唔系好容易会烧焦～🫣😅-和牛牛五花：系厚切嘅～都几香牛肉味～如果钟意有咬口嘅就啱晒啦！！🤭🥰-海鲜煎葱饼：上面仲有啲虾同埋淡菜仔，蔬菜嘅份量都几多，唔会食到好顶肚，煎得几香口！🥙-黑米冷面：即系我认知嘅水冷面，加咗白醋酸酸甜甜，面质好弹牙，可以解一解烧肉嘅腻～🍜-叫咗2杯梳打：柑橘梳打同埋梅子青柠梳打，主要都系拣啲酸酸甜甜嘅饮品，去中和一下烧肉嘅燥热同埋油腻感。