Bora Seafood (已結業)

今日去K11食饭，见到呢间新餐厅就入去试下，入到去职员介绍左个套餐比我地，几岩我地三个人食！前菜我地叫左白松露杂菜沙律，如果唔想食沙律可以叫香蒜德国肠，第二道系海鲜船，里面有鱼饼、带子、蚧蚶、薯角、同好粗既薯条，有三个汁拣，当然拣左白松露忌廉汁，好香好正呀！第三道菜就系最期待嘅海鲜拼盘，有生蚝西班牙海虾，翡翠螺同法国珍宝膏蚧，生蚝超级新鲜，肥美得黎仲好重海水味，听侍应讲原来系即日新鲜运到香港嫁。之后就系Bora Bora Seafood Mountain系有亚拉斯加蚧，龙虾，虎虾，螺，蓝青口等等煮埋一齐，有五个酱汁可以拣，我地拣左英式芥茉蜜糖汁，超正呀，听侍应讲佢哋嘅即系师傅自己调，出面真系食唔到，下次会想试下白松露忌廉汁，见到隔离枱嘅客人食好似好好味！今餐饭最开心嘅就系所有食物都可以自己拣酱汁，实有一款啱自己口味！