拉麵太郎 (已結業)

由于我同屋企人都非常钟意食日本菜，今次约埋试食呢间由朋友介绍嘅「拉面太郎」，地点非常方便，就响湾仔道利景酒店隔离。当日天气有啲凉，我点咗新登场嘅生姜拉面，叉烧肥瘦适中，汤底浓但唔算好油，面嘅软硬度又啱啱好，加埋生磨嘅姜蓉，食完成个人暖晒，感觉非常满足😋男友点咗味噌汤拉面，其实唔算辣，味噌仲非常惹味，平时食嘢几腌尖嘅佢居然话几好味，质素拍得住响日本食嘅拉面，好快成碗KO晒！老豆点咗牛肉丼，佢劲赞牛肉超入味，又嫩又腍又多汁，加埋日本米，比较起一般日式餐厅嘅牛肉丼更地道更出色😋至于亚妈点嘅太郎豚骨咖哩丼，同日本家庭式餐厅嘅日式咖哩好相似，香、甜、但唔辣，料多汁多，亚妈都好满意👍🏻小食方面我哋叫咗芽菜、半熟味附蛋、炸薯饼同埋薯仔沙律，我哋觉得芽菜同薯仔沙律最好味👍🏻整体嚟讲，味道唔错，好正宗嘅日本拉面，其他料理都做得相当出色。日籍老板招乎殷勤周到，价钱非常合理，相比铜锣湾区一啲过百蚊碗但又细碗嘅拉面，呢度真系真材实料，好味又抵食😋👍🏻 我同屋企人都会再嚟帮衬😉