影片
更多
2018-08-26
101 浏览
通常星期一夜晚肥妹仔都会同肥妹仔嘅老死一齐食饭，今日我哋就去咗铜锣湾揾食。经过时代广场见到对面有一间食肆嘅大厦， 有好多餐厅，不过肥妹仔就畀地下嘅一间食泰国菜嘅舖头吸引到，于是就决定入去试下啦。入边嘅装修都好新潮，好型格， 一啲都唔陈旧! 而且座位阔落，坐得好舒服。酸辣炒咖哩配大虾 $98肥妹仔叫呢一个咖哩其实系想点印度薄饼食嘅，不过佢呢一个咖哩好特别，唔似我哋平时喺出面食开嘅黄咖哩!因为佢呢一个咖哩系酸味比较重，有少少似泡菜𠮶种酸味嘅感觉，入边嘅虾虽然唔算好大只，不过份量就好多，而且肉质爽口弹牙，吸咗咖哩嘅辣味同酸味，食落去好醒胃! 佢嘅咖哩唔算太杰身，有少少似汤咖哩嘅感觉，所以食落去一啲都唔漏。印度薄饼 $38呢个印度薄饼肥妹仔同朋友都一致赞同同觉得好好食!因为佢呢个薄饼系好重牛油味，外皮系煎到好松化好酥软，点埋个酸辣咖哩食简直就系一流，冇得输!蛋包大虾炒金边粉 $98淀粉质人士嘅我叫嘅!佢嘅蛋包大虾炒金边粉份量都几多先，金边粉食落去好弹牙，面条炒到刚刚好，唔会好干，都几湿润!金边粉嘅酱汁有少少似茄汁，酸酸甜甜，捞埋旁边嘅花生碎嚟食好香亦都好有咬感! 金边粉嘅外面仲有一层薄薄嘅蛋包
入边嘅装修都好新潮，好型格， 一啲都唔陈旧! 而且座位阔落，坐得好舒服。
酸辣炒咖哩配大虾 $98
肥妹仔叫呢一个咖哩其实系想点印度薄饼食嘅，不过佢呢一个咖哩好特别，唔似我哋平时喺出面食开嘅黄咖哩!因为佢呢一个咖哩系酸味比较重，有少少似泡菜𠮶种酸味嘅感觉，入边嘅虾虽然唔算好大只，不过份量就好多，而且肉质爽口弹牙，吸咗咖哩嘅辣味同酸味，食落去好醒胃! 佢嘅咖哩唔算太杰身，有少少似汤咖哩嘅感觉，所以食落去一啲都唔漏。
印度薄饼 $38
呢个印度薄饼肥妹仔同朋友都一致赞同同觉得好好食!因为佢呢个薄饼系好重牛油味，外皮系煎到好松化好酥软，点埋个酸辣咖哩食简直就系一流，冇得输!
蛋包大虾炒金边粉 $98
淀粉质人士嘅我叫嘅!佢嘅蛋包大虾炒金边粉份量都几多先，金边粉食落去好弹牙，面条炒到刚刚好，唔会好干，都几湿润!金边粉嘅酱汁有少少似茄汁，酸酸甜甜，捞埋旁边嘅花生碎嚟食好香亦都好有咬感! 金边粉嘅外面仲有一层薄薄嘅蛋包住， 好香蛋味!而最上层仲有四只大虾，虾味好浓，煎得香脆，同金边粉一齐食好好食。
马拉盏炒通菜 $78
泰式小食拼盘 $88
呢一个泰式小食拼盘有两串猪肉串烧，两块炸虾饼，两块炸鱼饼，同埋两件炸春卷。个猪肉串烧好香，个味腌得刚刚好，好香烧烤既味道!点埋个黄咖哩酱一齐食好好食。 炸虾饼同炸鱼饼就炸到外皮，脆卜卜，非常脆口!虾饼个虾味都几浓， 而鱼饼就有好多香料嘅味道， 最后个炸春卷外表炸到脆卜卜，入面有云耳，萝卜丝等等，新鲜热辣，好好食。
冻泰式奶茶 $25
肥妹仔嘅至爱，无论系港式定泰式，去到呢啲餐厅都一定会叫一杯冻奶茶嚟饮!呢一间餐厅嘅泰式冻奶茶唔会过甜，甜度刚刚好!好浓泰式奶茶嘅茶香味 ，水准不俗!!
椰青 $38
呢个系肥妹仔嘅朋友叫嘅，肥妹仔都饮咗一啖椰青水，好清甜，冇苦涩味，好好饮呀。
泰式甜品
个餐厅经理仲送咗一啲泰式甜品畀肥妹仔同朋友试下添!呢个甜品分别系用山竹同埋碟豆花做既!先讲山竹𠮶个啫喱， 食落去好清甜，有淡淡嘅山竹味。而个蝶豆花甜品其实就系椰汁糕加啫喱，好浓椰汁味，不过最吸睛嘅都系个淡粉蓝色嘅外表，真系好靓。
肥妹仔能走𠮶阵时见到有一个餐牌写住任食!细看之下发觉原来呢一间餐厅都有任食下午茶，而且个款式仲好多添!每位$68，一啲都唔贵。如果有机会肥妹仔下次一定会嚟试下呢一个下午茶!经理仲介绍咗佢哋嘅下午茶摆盘，好靓，好似喺酒店食嘅下午茶一样，只不过系泰式风味而唔系西式咁样， 肥妹仔真心觉得好靓。
张贴
