御品千の味刺身壽司專門店 (海寶花園) (已結業)

自从冇得去元气寿司之后，已经好耐冇食寿司啦。上网睇呢一间寿司店抵食，即使要揸车入大埔我都专登嚟试吓。迷你角切鱼生饭刺身寿司餐（$98），虽然话系迷你鱼生饭，不过份量都唔少，配埋刺身、沙律、同埋寿司，食到好饱。刺身同寿司郎好新鲜，角切鱼生唔系比啲头头尾尾㖞，系真系啖啖肉嘅鱼生，好惊喜呀！迷你吞拿鱼蓉丼刺身寿司饭($128)，吞拿鱼茸好肥美，脂肪感好厚，磨茸之后更加入口即溶，加埋葱丝好清新，食完都唔会有好济嘅感觉。