影片
更多
2019-10-22
80 浏览
去黄大仙中心同屋企人食泰国菜, 行过呢间阿莱泰。 门口大大个写住 <星期一至五晚市八折,仲要唔收加一😍 >,望入去都几多人呀就入去试下 。地方坐得好舒服呀,因为好阔落。佢仲特登畀咗个有梳化嘅自成一个位畀我同屋企人 ,好贴心 ,抵赞 👍 。打开个餐单有好多唔同种类,仲有啲系佢嘅特色菜, 好似有个 18吋军舰咖哩海中宝。 一条长长嘅法包上面海鲜咖哩,喺出面见唔到㗎。 我哋四个人啱啱好就叫咗个四人餐,好丰富头盘到甜品都已经有哂。🔸泰式拼盘:有虾饼,鱼饼,春卷, 全部都系新鲜热辣啱啱炸起。🔸汤: 大头虾冬阴公汤 。冬阴公既口味其实真系好个人,有啲钟意酸点,有啲钟意辣点。呢度既冬阴公汤就好合我屋企人好味, 各方面都好平衡 。 汤内有两只大大既大头虾, 分左一人两碗都仲有净, 份量好足丫。主菜:🔸海南鸡🐔 , 真系好滑。我最钟意佢系 滑得来系热既! 出面食好多时候都系冻既 , 因为再翻热会老嘛。但系冻冷冷, 有时我都 担心佢唔知摊咗几耐先买 有卫生嘅问题呢度嘅鸡系热㗎仲要都仲系好滑同埋好有鸡味呀值得推荐。 🔸花胶海鲜粉丝煲 ,有花胶,有鱼,鱿鱼呀等等嘅海鲜。不过重点应该系索哂味既
门口大大个写住 <星期一至五晚市八折,仲要唔收加一😍 >,望入去都几多人呀就入去试下 。
地方坐得好舒服呀,因为好阔落。佢仲特登畀咗个有梳化嘅自成一个位畀我同屋企人 ,好贴心 ,抵赞 👍 。
打开个餐单有好多唔同种类,仲有啲系佢嘅特色菜, 好似有个 18吋军舰咖哩海中宝。 一条长长嘅法包上面海鲜咖哩,喺出面见唔到㗎。
我哋四个人啱啱好就叫咗个四人餐,好丰富头盘到甜品都已经有哂。
🔸泰式拼盘:有虾饼,鱼饼,春卷, 全部都系新鲜热辣啱啱炸起。
🔸汤: 大头虾冬阴公汤 。冬阴公既口味其实真系好个人,有啲钟意酸点,有啲钟意辣点。呢度既冬阴公汤就好合我屋企人好味, 各方面都好平衡 。 汤内有两只大大既大头虾, 分左一人两碗都仲有净, 份量好足丫。
主菜:
🔸海南鸡🐔 , 真系好滑。我最钟意佢系 滑得来系热既! 出面食好多时候都系冻既 , 因为再翻热会老嘛。但系冻冷冷, 有时我都 担心佢唔知摊咗几耐先买 有卫生嘅问题呢度嘅鸡系热㗎仲要都仲系好滑同埋好有鸡味呀值得推荐。
🔸花胶海鲜粉丝煲 ,有花胶,有鱼,鱿鱼呀等等嘅海鲜。不过重点应该系索哂味既 粉丝,好食!
🔸飞天通菜 够镬气够惹味 👍
🔸泰式鲜虾炒金边粉
呢样系我最钟意嘅!佢个味道啱啱好酸酸甜甜 ,个炒粉够干身,同我之前喺泰国食嘅非常相似,所以就算食咗咁多𩠌,我都清咗半碟丫 。
个套餐仲包埋
🔸泰式甜品拼盘及芒果糯米饭。(系唔系真系抵到一个点。🤣🤣🤣)拼盘有唔同种类嘅椰汁糕,芒果糯米饭嘅芒果亦都好甜。
以上全部都只系 $698 唔驶加一。
每人$200都唔驶。 食到捧住个肚之余 , 佢真系好味!推荐丫 👍
张贴
