影片
更多
2018-12-30
129 浏览
今日同朋友去尖咀试西装，天气好冻，试完都仲系晏昼时间，系呢度食埋野先番归训觉。朋友话食过呢间涮涮锅价钱唔贵但味道唔错既小店，又冻又饿就梗系二话不说入去食啦。入到去，望见第一个反应系，估唔到晏昼都几多人打边炉，真系估你唔到啊餐牌有成9款唔同汤底锅物拣，写好哂入面有咩材料，非常贴心。每个锅可跟饭或粉丝，包保系饱肚之选。野食黎得好快，加上可能个锅本身都够热，所以好快就滚，即时就食得喇最后我拣咗招牌臭臭锅(因为隔离枱店左，食得好似好滋味咁。内里配搭不同，好有特色且分量十足。个锅入面仲好丰富，入面有娃娃菜、白豚肉、臭豆腐、台湾贡丸、米血糕、大肠、猪红、沙白、鹌鹑蛋、蕃茄、榨菜丝、甜不辣等，好足料！都系好台湾特式既锅物好味，个汤底系令人食上瘾一路食一路饮，其实配饭会更一流，但因为夜晚仲约左朋友食饭，谂住点个粉丝感觉无咁饱肚，惊夜晚未落格食唔落，但原来事实系粉丝都好有饱肚感。仲点左D小食些牙食，台式香蒜香肠呢个好有台湾食店食过既味道，香肠好香好有油香，香蒜唔涩带脆口，配夹香肠食中和到油脂感，爽脆口感好过瘾炸花枝丸咬落去外脆内里弹牙，外面脆卜卜好金黄，配埋个酱汁，香脆野几时都系一流。饮品就拣左盆栽朱古
餐牌有成9款唔同汤底锅物拣，写好哂入面有咩材料，非常贴心。每个锅可跟饭或粉丝，包保系饱肚之选。野食黎得好快，加上可能个锅本身都够热，所以好快就滚，即时就食得喇
最后我拣咗招牌臭臭锅(因为隔离枱店左，食得好似好滋味咁。内里配搭不同，好有特色且分量十足。个锅入面仲好丰富，入面有娃娃菜、白豚肉、臭豆腐、台湾贡丸、米血糕、大肠、猪红、沙白、鹌鹑蛋、蕃茄、榨菜丝、甜不辣等，好足料！都系好台湾特式既锅物好味，个汤底系令人食上瘾一路食一路饮，其实配饭会更一流，但因为夜晚仲约左朋友食饭，谂住点个粉丝感觉无咁饱肚，惊夜晚未落格食唔落，但原来事实系粉丝都好有饱肚感。仲点左D小食些牙食，台式香蒜香肠
呢个好有台湾食店食过既味道，香肠好香好有油香，香蒜唔涩带脆口，配夹香肠食中和到油脂感，爽脆口感好过瘾
炸花枝丸
咬落去外脆内里弹牙，外面脆卜卜好金黄，配埋个酱汁，香脆野几时都系一流。
饮品就拣左盆栽朱古力奶茶
呢个做得非常出色，朱古力味出但一D都唔甜，但朱古味好浓，底层有饮到一粒粒的朱古力粒，真心比外边好多专卖冲调店既好饮。平时好少打边炉饮朱古力或奶类打边怕会滞，但呢个中和到臭臭锅少少后劲既微辣感，拎黎打边炉就一流。
比起任食边炉，呢种一人一锅概念既涮涮锅仲正，一来唔会食到成个人饱到塞唔落都仲要塞，食到个胃唔舒服成晚顶住顶住，呢度系更惜食同高质嘅选择
二来呢度既涮涮锅个味觉冲击真系同平时打开既任食边锅好大分别，性价值好高
咁既价钱食到咁既质素真系比个LIKE，呢间系会想一去再去嘅涮涮锅
张贴
