金撈老鴨湯刺身火鍋專門店 (已結業)

今次黎到呢间火锅店试下佢招牌嘅老鸭汤打边炉。呢度嘅环境有啲似西日式餐厅咁，枱与枱之间唔会好似一般火锅店𠮶啲咁迫，坐得舒服而且干净。 一坐低就叫咗1jar洛神花茶(HK$38)，以前系第二啲地方饮过觉得会好酸唔系几钟意，但系呢度嘅甜甜地而且冰冻，打边炉啱晒！ 除咗打边炉之外，呢度仲有好多款刺身同埋小食选择.。打边炉之前我地order左几款试下。蒜香三文鱼骨(HK$58)有啲避风塘风味，椒盐粒几惹味。三文鱼炸完都算嫩滑，加上无细骨，食起上嚟好方便。仲叫咗好耐都无食过嘅鸡脚，呢款鲍汁鸡脚(HK$38)几入味，旁边嘅花生唔会煮得太淋仲保留咗啲硬嘅口感。见呢度系刺身火锅店，想试多啲唔同款嘅刺身所以拣咗五彩刺身拼盘(HK$148)，仲有系第二度好似无见过嘅水母刺身(HK$78)。拼盘有三文鱼、牡丹虾、吞拿鱼、剑鱼同埋赤贝，全部都够冻亦鲜甜，唔错！至于水母刺身外层十分爽脆，中间好似海蜇咁有点咬口。原来呢度仲有出面真系好少地方有得食嘅生腌蛳蚶(HK$88)。虽然唔驶煮，但需花嘅心思绝对不少。因为不能存放太久，为咗确保新鲜，听老板讲每日只会供应3至4份。加上系生食，所以一定要洗得好仔细。其实蛳蚶好似