三台八座 (已結業)

今日同朋友去开西营盘，就book咗呢一间三台八座食饭。行到入去睇餐牌，选择都唔少架，大部份都系西餐，包括有意大利饭，或者系一啲扒类嘅餐。我就点左个黑松露帆立贝鲜杂菌意大利饭。首先上嘅系餐汤罗宋汤，罗宋汤好足料，入面有好多菜粒，而汤嘅调味唔会好咸。🔸黑松露帆立贝鲜杂菌意大利饭.首先讲下份量，意大利饭好多，帆立贝都大只架。而黑松露味好突出，意大利饭嘅软硬度刚刚好，唔会太淋或者太硬，保持一粒粒咬口(好怕出面有啲意大利饭煮到好似糊仔咁)，同时亦都好creamy。帆立贝大粒之余，仲好juicy，咬入口仲有汁漏出黎！🔸烤焗猪肋排配BBQ汁 配薯菜.我朋友叫左个烤焗猪肋排配BBQ汁，BBQ汁好多，猪肋排都好入味，又好淋，唔会𡁻好耐都𡁻唔完。而份量又系好多！薯角好脆好美味！.呢一间系西营盘小店，地方唔算好大，但系店员都比到一个好窝心嘅感觉，就例如食饭后果嘅时候，佢哋都会好窝心叫我地趁冻食啲生果，会再好味啲！店员都一直挂笑容喺面上！而全晚都唔会有一个好匆匆忙忙嘅感觉，喺呢度可以好relax咁样食一餐饭。