牛壹台食 (已結業)

收工黎到湾仔，想食台湾野，贪佢够快够抵食，呢间新餐厅睇落都几企理，俾次机会佢先。 特色煎蛋饺台式蛋饺有薄薄嘅蛋皮，加埋入面嘅肉碎做涵，上面仲有少少特制酱汁，酸酸甜甜咁真系超开胃。 古早味清炖牛腩面（推介）去到一间台式舖头，每次我都一定会试佢嘅牛肉面，呢度嘅汤底浓郁得黎够晒牛味，清甜得黎唔腻。最好就系牛腩大大旧，啱晒我呢啲食肉兽。 古早味卤肉饭（推介）又另一样去一间台式餐厅必试嘅野，出面好多地方嘅卤肉饭味道都好standard，但呢度嘅卤肉嘅口感同酱汁嘅甜度都有啲唔同，系有心思嘅，肉用左比较多种唔同口感嘅部位，令到成个饭嘅口感有不同层次。饮品：金桔柠檬绿茶、百香果红茶两杯都系无叫少甜，或者少冰，但甜度同冰嘅分量都系刚刚好，酸酸甜甜嘅味道，都系好开胃同清新。