駟馬拖車潮州飯店 (東九匯)

营业中

休息中

话说有次揸车去观塘海滨经过见到有新开嘅潮州餐厅，又见好耐无食潮州菜，于是就择日嚟试吓。上到2楼嘅餐厅，餐厅个装修感觉比起平时食开嘅潮州餐馆高级好多，但入到去睇个餐牌竟然大众化价钱，所以唔觉唔觉就点咗5个菜+一个汤。𩠌菜款式包括：- 蚝仔烙- 椒盐鲜鱿- 沙茶炒牛肉- 普宁炸豆腐- 潮州蚝仔粥- 虫草花凤爪螺头汤普宁炸豆腐是潮汕特色菜，食嘅时候沾上蒜蓉盐水，外酥内嫩好香脆。椒盐鲜鱿比时都有食，但好多时都系口感比较硬，但呢度嘅椒盐鲜鱿炸到好松软，炸蒜蓉配埋鲜鱿好野味。蚝仔烙呢度有煎&炸两个选择，我哋就拣咗炸嘅煮法，仲好细心上枱前已经好似Pizza咁切好哂。蚝仔份量好多，烟烟韧韧好好味。沙茶炒牛肉呢个𩠌已经好多年无食过，以往食到都系爸爸亲自下厨先可以食，呢度嘅味道真系令到有爸爸煮嘅味道一样，沙茶酱浓郁而底下嘅芥兰爽甜。潮州蚝仔粥系叫咗一碗而唔系一锅，但蚝仔嘅份量多到似为自己食紧一锅嘅感觉，每一羹都有蚝仔，除咗蚝仔外，仲有鱿鱼、方鱼&肉醉，配料都好丰富。虫草花凤爪螺头汤一饮就觉得好浓嘅螺头味，螺头都好淋，真系好想再饮多个，但个肚都已经无哂位了。