尚上下夏 - 養生雞煲火鍋 (已結業)

忍得太耐终究要放松吓，食吓鸡煲。入门前要探热，有发烧就唔入得。而且仲有酒精搓手液同信封免费提供俾大家存放口罩。枱面加设透明胶座，成 set 即弃餐具，种种防疫措施令人食得份外安心麻辣鸡煲 （半只）$159话就话半只鸡，但份量真系奇多，都几大煲，好多鸡肉，好多配料，超抵食。鸡肉好新鲜，而且唔肥，仲好入味。配料如姜葱蒜辣椒同花椒很多，小辣已经好辣，食几件就成身暖晒 ，又辣又爽！鸡煲内亦有不少猪皮，索晒D麻辣，惹味骨胶原。药膳汤 $49食完鸡煲，可以加汤打边炉，拣了药膳汤。药膳汤加入麻辣鸡煲内，又药又辣，重口味之选 羊肉卷 $60药膳汤底配羊肉，感觉特别补。桂花鱼片 （半条）$89一般打边炉都系脆肉鲩或者白鳝两味，但呢到竟然有桂花鱼片，而且价钱相当合理，当然要试试。鱼肉薄薄地又几滑，一分钟之内食，鱼肉唔会散，有水煮鱼的口感。四宝丸 $60全部新鲜手打，当中墨鱼丸最出色，弹牙好食。而鲮鱼丸加入好多胡椒，亦非常香口。反而猪肉丸同虾丸就相对有点比下去了，味道唔够突出。娃娃菜 $49蔬菜类价格偏贵，但都几新鲜，唯有少食多滋味。蓝妹 $19细枝装，够冻。