台北巷弄 (已結業)

寻晚想食台湾菜，见呢间咁多人排队，应该好好食，所以就买返屋企试下啦。🐔盐酥鸡扒便当 $60鸡扒嘅炸粉唔会太厚，咬落松脆，鸡肉嘅肉汁鲜甜，好适合用嚟送饭食。饭本身会有卤肉同卤肉汁，饭本身自己食都已经好好食，有埋鸡扒就真系完美，鸡扒嘅份量都几多，有四五块，啱晒食肉兽。🥣台式汤品台式便当个餐包埋台式汤品，呢个汤嘅味道有啲似关东煮嘅汤，饮落有少少胡椒味，汤入面有娃娃菜同木耳丝，都几好味。🌶半份甜不辣 ＋$13叫左便当之后加$13就可以要半份小食，我拣左甜不辣。有两大片圆形嘅甜不辣，切开成6份，味道正常，咬落有口感。食第一啖，原来甜不辣真系唔辣，但系唔甜。🧋仙草冻奶茶（走甜）$10（原价$20）叫左便当之后，加饮品可以减$10，所以呢杯饮品只需$10，抵。冻奶茶我叫咗走甜，因为自己本身唔系好钟意食太甜嘅嘢，走甜嘅奶茶可以清楚品尝到茶同奶本身嘅味道，几有意思，苦苦哋配翻甜甜哋嘅仙草，成个感觉唔错。价钱几抵就可以食到一餐丰富嘅台湾菜，开心。