而打淥滷汁拌粉 (青衣城2) (已結業)

而打渌卤汁拌粉青衣城一期大家就行得多啦，好多连锁餐厅喺一期，行到闷嘅我就去咗二期，见到有间叫「而打渌」主要卖台式卤味，个名几搞笑就停低咗入去望下，见OpenRice d人话好正宗就决定坐低食！呢间主要做外卖，餐厅外形似台湾夜市嘅车仔档，而入面枱得3张，我哋一坐已经占咗2张枱，几唔好意思，最多食快d走人！1.浅尝三拼$46+葱油卤汁拌面$12（7.5/10）呢个三拼入面有酱香鸡中翼2只，卤莲藕片4件，烟韧卤豆干8件。鸡翼同豆干好入味，豆干好Q弹，反而莲藕片咸咗少少，虽然咸咗少少，但每一旧都好大块，店员话今批货系大块，所以先得4件，平时细件就有6件！拌面就有挂到汁，12蚊嚟讲真系超良心价，份量嚟讲对其他大食男人嚟讲一定唔够，对我嚟讲就啱啱好，夜晚唔想食咁饱，哈哈！2.脆香盐酥鸡$38（9/10）呢个盐酥鸡入面有12件鸡块，袋中已加入佢哋自家秘制调味粉，店员递比你之前已经shake好哂，每一件鸡块已经渗入佢哋嘅调味粉，鸡块炸得香脆，有肉汁唔会干，好好食！3.酱香鸡胗片$16（9/10）鸡胗有9件，每一件都超有口感，味道啱啱好唔咸，好食！4.台风饭$12（9/10）虽然系一碗白饭，但饭上面有白