御廚煎餅 (已結業)

一向好钟意食台式煎饼(台湾人叫蛋饼)，但喺香港实在揾唔到好食嘅煎饼，终于喺湾仔揾到喇!虽然30蚊一客煎饼唔算特别平，但性价比几高！呢间除咗餐单选择多，而且仲系即叫即做，食物质素高之余，仲可以拣素食，我点咗一客素菜煎饼，饼皮煎得香脆而唔油腻，里面嘅蔬菜咬落脆卜卜，非常新鲜，加咗蛋同芝士配合本身嘅沙律酱，就更加香口同味道丰富；如果钟意食肉，个孜然羊肉煎饼亦好多客人点，卖相非常好；呢度嘅食物份量亦好足料，以一个午餐嚟讲，一客煎饼应该够食。 美中不足嘅地方系，由于系即叫即做，午餐时间人流多𠮶阵，就要等好耐，而且舖面好细，以做外卖为主，客人只可以喺外面企住等，夏天会有啲辛苦。