老厝邊

营业中

休息中

今日星期五lunch想happy啲，想食台灣野，專登同同事由中環去銅鑼灣食好野。打開門見到店𥚃面已經坐滿晒人。我哋兩個人又想試唔同野食，所以叫咗一個主菜同幾樣小食，有酥炸豬扒便當、醉雞卷、皮蛋豆腐、麻醬雞件粉皮同埋粟米芝士蛋餅。炸豬扒大大件好好食，唔會太韌，啱啱炸完好香口，醉雞卷又係值得一讚，好大件又多件，應該用酒醃左好耐，好入味，仲有個芝士蛋餅，熱辣辣整完出嚟，啲芝士拉絲，非常野味！個雞件粉皮啲雞件又係大份，撈埋麻醬同粉皮一齊放入口，味道層次分明。