你妳 (已結業)

吐司盛宴！放工准备返家，经过呢间台湾野，今晚又无煮饭，所以就买几个套餐返去食！🤩首先叫左个夜市盐酥拼盘便当，当中有台湾香肠，芋头海鲜饼，甜不辣，卤蛋同一Ｄ配菜，香肠同海鲜饼都咸咸地好有口感，甜不辣好有台湾特色风味，再送多杯饮品，叫左杯白桃茶，好有白桃味！😋😀另外再叫个台式蛋饼加鲁肉饭，台式蛋饼好浓既蛋味，Ｄ面饼食到人有温暖感觉，鲁肉饭既油汁渗落饭度好好味！呢个餐就搭杯古早冬瓜茶，好清新解渴！🤤😚然后再叫埋「你妳、皇牌吐司加仙草芋圆」套餐，所谓既皇牌吐司就系肉松芋圆吐司，两大件食极食唔完，我食过几次都系要食一半留一半第二日食！仙草芋圆都好大碗，好多料，系饭后最佳甜品！😍叫左几个套餐都仲系唔够，就叫埋呢个享负盛名嘅白兔糖吐司！其实系芋泥吐司加咗白兔糖麻薯，好软滑又有奶香味，口感几夹！😙🥳仲叫多个酥炸鸡扒Ｘ蜜糖芥末Ｘ芝士吐司，同埋秘制猪排Ｘ松露酱Ｘ荷包蛋吐司，心谂食唔晒听日做早午餐！两个吐司都好厚好高质，无论猪排同鸡扒都好正，食完一件都饱晒，第二件第二日食都仲咁好食！☺️🤩