西門町台灣麵食 (已結業)

喺旺角行完街，想食台湾野，上网search到呢间好评如潮，就同男友黎食，原来男友好耐之前都有同朋友黎食过。店舖细，枱与枱之间都好狭窄。我地叫左一碗红烧牛肉面，一碗香酥猪扒面，煎蚝卷。牛肉汤底都算浓郁，牛肉好淋，唔会“痴”牙，好入味。而且牛肉切得好厚身，好有质感。汤底好清，略嫌唔够味，所以自己加左男友碗牛肉汤底。面质爽口弹牙，唔会太硬，又唔会太淋。炸猪扒炸得唔够香口，有啲淋身。蚝卷反而有惊喜，卷入面都算多蚝肉，好香好好味！初初以为系茄汁，原来系辣茄汁。虽然蚝卷系炸，但将蚝卷醮上辣茄汁，一啲都唔觉得油腻。