燈籠滷味 (朗豪坊)

营业中

休息中

星期六同朋友一齐去旺角行街，去咗朗豪坊新开嘅灯笼卤味食，其实一碗面已经够食但我哋又嗌多咗嘢🤣🍜 招牌灯笼卤味呢个灯笼卤味好似车仔面咁，可以自己拣面嘅种类同𩠌。我拣咗王子面，比朋友叫嘅米线幼身少少，有啲烟烟韧韧咁，索咗啲卤水汁嘅味道😽 𩠌方面我叫咗大肠、甜不辣、鸭血，几样都好食！大肠好多人都推荐，果然好入味好好食😽 甜不辣好似烟烟韧韧嘅鱼蛋咁💛 鸭血都系烟韧嘅，佢比我平时食开嘅鸭血薄切啲嘅～ 我拣嘅面同𩠌加埋$52，但超级多𩠌，我觉得好抵食！ （朋友𠮶碗大肠、肝莲、生菜、米线就$48）🫔 人气爆浆芋泥肉松葱抓蛋饼 （$48）呢、个、大、推、荐！超级正，啲芝士、肉松同芋泥都好多，爆晒出嚟😋 个葱抓蛋饼有少少脆脆哋，入面嘅馅料就好cheesy creamy，加埋一齐咸咸香香好正🤤🍡 板桥夜市蚵仔酥 （$52）呢个超级大碟，一粒粒类似盐酥鸡，但入面系蚵仔🦪 我觉得呢个味道比较清，蚵仔嘅香味唔系粒粒都食到，炸粉、盐同胡椒嘅味亦唔算浓。